1000-nan astam adam Almaty ákimdiginen perspektivaly startaptar qurýǵa qoldaý alady. Almaty qalasy Kásipkerlik jáne investitsiialar basqarmasynyń basshysy Erkebulan Orazalin Óńirlik kommýnikatsiialar qyzmeti alańynda kásipkerlikti qoldaý baǵdarlamalarynyń júzege asyrylýy týraly aityp berdi, - dep habarlaidy «Ult aqparat».
Orazalin megapolisti damytýdyń negizgi draiveri biznes pen adamdar ekenin eske saldy. Almaty elimizdiń eń kreativti, isker jáne bilimdi adamdaryn tartady.
"Búginde qala ekonomikasynyń 45%-dan astamyn jeke biznes qalyptastyrady. 10 almatylyqtyń 6-y shaǵyn jáne orta biznespen ainalysady, Qazaqstannyń árbir altynshy kásiporny Almatyda ashylǵan", - dedi Orazalin.
Kásipkerlikti damytý týraly aita kele, basqarma basshysy isin jańa bastaǵan kásipkerlerdi qoldaý úshin olardy oqytý úlken kómek ekenin atap ótti. Orazalinniń málimetinshe, sońǵy eki jylda 190 myń almatylyq kásipkerlik kýrsynan ótken. Sonymen qatar pandemiia kezinde kýrstar jumysyn toqtatqan joq, 165 myń adam onlain rejiminde oqytýdan ótti.
Erkebulan Orazalin kýrstarda tek teoriia oqytylyp qana qoimai, is júzinde biznesti qalai basqarý kerektigin de kórsetetinin atap ótti. Kýrstardyń arqasynda Almatyda ShOB sany 3%-ǵa artty. Al jumyspen qamtylǵandar sany 978 myńnan asty.
"Almaty biznesti damytý qalasy boldy jáne bolyp qala beredi. Biz jastardy oqytý praktikasyn jalǵastyramyz, kásibi biznes-jattyqtyrýshylar marketing, býhgalterlik, salyqtyq esepke alý daǵdylaryn oqytatyn bolady. Tájiribe jinaqtai otyryp, kelesi kezeńde kásipkerler jańa deńgeige shyǵyp, "Akseleratsiia" jobasyna qatysa alady", - dedi Orazalin.
2021 jyly "Akseleratsiia" jobasymen 1000-nan astam adamdy qamtý josparlanyp otyr. Saýda, tamaq ónerkásibi, tigin óndirisi, meiramhana biznesi, qonaq úi biznesi, bilim berý kýrstary, marketing jáne IT-salasy siiaqty baǵyttar boiynsha qoldaý kórsetiledi.
Orazalin Almaty Business-2025 baǵdarlamasynyń jetistikterine toqtaldy. Onyń aitýynsha, bul kezeńdi "neǵurlym jetilgen kásipkerdiń úshinshi satysy" dep ataýǵa bolady, bul kezde Qoldau kásipkerlik ortalyǵyna júginýge bolady. Spiker búgingi tańda 108 myńnan astam keńes ótkizilgenin, 9,5 myń kásipker oqytylǵanyn, 700 adam súiemeldeý alǵanyn, 770 biznes-jospar ázirlengenin atap ótti.
Oqýdan ótken barlyq kásipkerler Almaty Finance-tan jeńildetilgen nesie alýǵa quqyly.
Esterińizge sala keteiik, 1000-nan astam adam Almaty ákimdiginen perspektivaly startaptar qurýǵa qoldaý alady. Almaty qalasy Kásipkerlik jáne investitsiialar basqarmasynyń basshysy Erkebulan Orazalin Óńirlik kommýnikatsiialar qyzmeti alańynda kásipkerlikti qoldaý baǵdarlamalarynyń júzege asyrylýy týraly aityp berdi.
Orazalin megapolisti damytýdyń negizgi draiveri biznes pen adamdar ekenin eske saldy. Almaty elimizdiń eń kreativti, isker jáne bilimdi adamdaryn tartady. Onyń aitýynsha, búginde qala ekonomikasynyń 45%-dan astamyn jeke biznes qalyptastyrady. 10 almatylyqtyń 6-y shaǵyn jáne orta biznespen ainalysady, Qazaqstannyń árbir altynshy kásiporny Almatyda ashylǵan.
