Qazaqstandyq Allur avtomobil kompaniiasy men «Qazposhta» AQ kólik qyzmetteri jáne logistika salasyndaǵy ózara tiimdi yntymaqtastyqty damytý týraly Memorandýmǵa qol qoidy. Qujatqa Allur Direktorlar keńesiniń tóraǵasy Andrei Lavrentev pen «Qazposhta» AQ Basqarma tóraǵasy Bekejan Jakeev qol qoidy.
Kelisim tasymal tiimdiligin arttyrýǵa, kólik infraqurylymyn damytýǵa jáne avtokólikti basqarýdyń zamanaýi tehnologiialaryn engizýge baǵyttalǵan. Ózara is-qimyldyń negizgi baǵyttary retinde poshta jáne logistikalyq qyzmet qajettilikteri úshin avtokólik quraldaryn jetkizý, sondai-aq avtoparkti basqarýdyń ozyq sheshimderin engizý aiqyndaldy. Memorandýmǵa qol qoiý taraptardyń strategiialyq seriktestigin bekitedi jáne Qazaqstannyń zamanaýi, tiimdi ári tehnologiialyq kólik-logistikalyq infraqurylymyn damytýdy kózdeidi.
«Qazposhta» AQ avtoparkti jańartý baǵdarlamasyn júieli túrde júzege asyryp keledi, onyń ishinde Qostanai qalasyndaǵy Allur zaýytynda shyǵarylǵan avtomobilderdi satyp alý arqyly damytýda.
Yntymaqtastyqty odan ári tereńdetý aiasynda «Qazposhta» AQ avtoparkti qazaqstandyq óndiristegi avtomobildermen, sondai-aq brondalǵan kólikter men pikaptardy qosa alǵanda, mamandandyrylǵan tehnikamen jańartýdy jalǵastyrýdy josparlap otyr. Jetkizilimderdi qarjylandyrý «Ónerkásipti damytý qory» AQ arqyly lizingtik quraldar negizinde júzege asyrylady.
«Qazposhta» AQ jańa avtokólikterdiń kómegimen jetkizý senimdiligi men jyldamdyǵyn arttyrýǵa, sondai-aq klientterge qyzmet kórsetý sapasyn jaqsartýdy kózdeidi.
