Foto: ashyq derekkóz
Qazaqstan Respýblikasynyń Ádilet ministrligi aliment tólemei, shetelge ketip qalǵan qazaqstandyqtardyń qaryzy týraly málimet jariialady, dep habarlaidy Ult.kz.
Vitse-ministr Daniel Vaisovtiń aitýynsha, qazirgi kezde 106 sot sheshimi oryndaýǵa jiberilgen. Al aliment boiynsha bereshektiń jalpy somasy 47 mln teńgeni quraidy.
Onyń ishinde eń kóp qaryz Reseige tiesili. Atap aitqanda, Resei Federatsiiasyna qatysty 73 oryndaý qaǵazy joldanǵan (32 mln teńge). Ózbekstan boiynsha 24 is (11 mln teńge) tirkelgen. Sondai-aq Ýkrainadan – 2, Ázirbaijannan – 1 oryndaý qaǵazy bar. Qalǵan qaryz Belarýs pen Qyrǵyzstanǵa tiesili. Vitse-ministr bul málimetti Senatta ótken brifingte aitty.
Sonymen qatar, Qazaqstanda aliment tóleýden jaltaryp júrgen shetel azamattary da bar. Ótken jyly Qazaqstan Respýblikasynyń Ádilet ministrligine ózge elderdegi sot sheshimderin oryndaý boiynsha 12 ótinish túsken.
Qazir bul ister Qazaqstan Respýblikasynyń Joǵarǵy soty qaraýynda jatyr.
