Qazaqstandaǵy zeinetke shyǵý jasy qysqaratyny týraly habarlama túsirilgen skrinshot áleýmettik jeli men messendjerlerde tarap júr. Eńbek jáne halyqty áleýmettik qorǵaý ministrligi bul aqparattyń shyndyqqa janaspaitynyn málim etti, dep habarlaidy "Ult aqparat".
Stopfake.kz saitynyń habarlaýynsha, Facebook qoldanýshysynyń biri paraqshasynda jariialaǵan skrinshotta er adamdar 61 jasta, áielder 57 jasta zeinetke shyǵady delingen. Mátinmen birge Qazaqstan Prezidentiniń sýreti berilgen. Eńbek jáne halyqty áleýmettik qorǵaý ministrligi bul aqpartty joqqa shyǵardy.
«Bul – feik, zeinetke shyǵý jasynyń ózgerisi týraly eshqandai sóz bolǵan joq», - dep málimdedi ministrlik.
