Halyqtyń áleýmettik jaǵynan osal toptary úshin 1,6 mln sharshy metr turǵyn úi salynady. Bul týraly Premer-Ministr Asqar Mamin málim etti, dep habarlaidy QazAqparat.
«Qurylys salasy qarqyndy damyp keledi. Qurylystyń jalpy ishki ónim qurylymyndaǵy úlesi 2020 jylǵy 12 aidyń qorytyndysy boiynsha 6,1 paiyzdan biylǵy 11 aidyń qorytyndysy boiynsha 6,25 paiyzǵa ósti. Bul sala ulttyq ekonomika ornyqtylyǵynyń negizgi kózderiniń biri jáne ósý draiveri bolyp sanalady», - dedi Mamin Úkimet otyrysynda.
Onyń aitýynsha, osy jylǵy 11 aidyń qorytyndysy boiynsha qurylys salasynyń ósý qarqyny 6,2 paiyzdy qurady, bul ekonomika boiynsha ósýdiń ortasha qarqynynan aitarlyqtai joǵary.
«Biyl shamamen 17 mln sharshy metr turǵyn úi paidalanýǵa beriledi, bul 163 myń azamatty úimen qamtamasyz etedi. Halyqtyń áleýmettik jaǵynan osal toptary úshin 1,6 mln sharshy metr turǵyn úi salynady. Nátijesinde, shamamen 29 myń otbasy turǵyn úi jaǵdaiyn jaqsarta alady. Sonymen qatar elde jyl saiyn densaýlyq saqtaý, bilim berý, ónerkásip jáne injenerlik-kommýnikatsiialyq infraqurylym nysandary kóptep salynyp jatyr», - dedi Úkimet basshysy.
