Foto: Densaýmin
Densaýlyq saqtaý ministri Aqmaral Álnazarova áleýmettik meditsinalyq saqtandyrý qorynyń ujymyna jańa basshyny tanystyrdy, dep habarlaidy Ult.kz.
Densaýlyq saqtaý ministriniń buiryǵymen Premer-Ministrmen kelisim boiynsha «Áleýmettik meditsinalyq saqtandyrý qory» KeAQ Basqarma tóraǵasy laýazymyna Aidyn Qulseiitov taǵaiyndaldy.
Aidyn Qulseiitov Óskemende dúniege kelgen. Shyǵys Qazaqstan memlekettik tehnikalyq ýniversitetin «Injener-ekonomist» mamandyǵy boiynsha jáne QR Prezidenti janyndaǵy Memlekettik qyzmet akademiiasyn «Memlekettik qyzmet menedjeri» mamandyǵy boiynsha bitirgen.
Eńbek jolyn basqarýshy laýazymdarǵa deiin jeke salada bastaǵan. Sodan keiin Memlekettik qyzmetke aýysty. Indýstriia jáne saýda ministrliginde, energetika jáne mineraldyq resýrstar ministrliginde jumys istedi, «Tehnologiialyq damý jónindegi ulttyq agenttik» AQ, «Qazaqstandyq indýstriiany damytý institýty» AQ Basqarma tóraǵasy boldy.
2017 jyldan bastap QR Prezidentiniń Ákimshiliginde birqatar basshylyq qyzmetter atqardy.
Eki jyl boiy QR Prezidenti Ákimshiliginiń Strategiialyq ázirlemeler jáne taldaý ortalyǵyn basqardy.
Sodan keiin Qazaqstan Respýblikasynyń Prezidenti Ákimshiliginiń Strategiialyq josparlaý bóliminiń meńgerýshisi bolyp taǵaiyndaldy.
Sońǵy eki jylda QR Prezidenti Ákimshiliginiń Áleýmettik-ekonomikalyq monitoring bóliminiń basshysy bolyp jumys istedi. Osy ýaqytqa deiin - Qazaqstan Respýblikasynyń Prezidenti Ákimshiliginiń Áleýmettik-ekonomikalyq saiasat bóliminiń meńgerýshisi laýazymynda qyzmet atqardy.
