Áleýmettik mańyzy bar azyq-túlik baǵalaryna monitoring jasaityn biryńǵai platforma quryldy. Bul týraly QR Saýda jáne integratsiia ministri Baqyt Sultanov málim etti, dep habarlaidy QazAqparat.
«Qurmetti Asqar Uzaqbaiuly, baǵa monitoringiniń biryńǵai platformasyn ázirleý jónindegi sizdiń tapsyrmańyzdy oryndaý úshin tiisti jumys júrgizilýde. Naryqtyq jáne vedomstvolyq málimetterdi qosa alǵanda, ártúrli derekterden áleýmettik mańyzy bar azyq-túlik taýarlary boiynsha aqparat aýqymyn jinaý jáne taldamalyq óńdeý úshin eprice.gov.kz. platformasy ázirlendi. Onyń maqsaty – faktorlardy anyqtaý jáne búkil tizbektegi taýarlardyń qozǵalysy men baǵasynyń tendentsiialaryn qalyptastyrý», - dedi Saýda ministri búgingi Úkimet otyrysynda.
Ministrdiń aitýynsha, atalǵan sait quryldy jáne Ulttyq statistika biýrosynyń, Memlekettik kirister komitetiniń jáne basqalardyń derekterimen almasý jumystary bastaldy.
«Budan basqa, meniń Ózbekstan men Tájikstan respýblikalaryna saparym barysynda azamattarymyz úshin jańa pisken astyqqa azyq-túlikti neǵurlym tómen baǵamen tikelei jetkizýdi uiymdastyrý jónindegi kelissózderdiń kezekti raýndyn ótkizý josparlanyp otyr», - deidi Baqyt Sultanov.
