Serb tennisshisi, álemniń birinshi raketkasy Novak Djokovich Horvatiiadaǵy týrnir kezinde koronavirýs juqtyrdy, dep habarlaidy euronews.com agenttigi.
Onyń áielinen de koronavirýs infektsiiasy tabylǵan.
«Biz týrnirdi indet tolqyny basylǵanda uiymdastyrǵan edik. Osyndai jaǵdaida jarys ótkizýge bolady dep sendik. Ókinishke qarai, virýs eshqaida ketken joq, biz osy shyndyqqa kóndigýge tiispiz. Men osy týrnirde koronavirýs juqtyrǵan ár adamnan keshirim suraimyn. Olardyń densaýlyǵyna ziian kele qoimaidy, bári aman-esen jazylyp ketedi dep úmittenem. Al ózim 14 kúnge oqshaýlanamyn. Bes kúnnen keiin qaitadan test tapsyramyn», - deidi tennisshi Novak Djokovich.
Osydan bir kún buryn sol týrnirde bolgariialyq tennisshi Grigor Dimitrov pen horvat sportshysy Borna Chorichtiń aýrý juqtyrǵany belgili bolǵan edi.
