Argentina biligi jappai is-sharalarǵa barý úshin sanitariialyq ruqsatnama engizedi. Tailand revaktsinatsiia merzimin 6 aidan 3 aiǵa deiin qysqartady. Ulybritaniiada «omikron» shtamyn juqtyrǵan alǵashqy naýqas qaitys boldy, dep habarlaidy QazAqparat COVID-19 taralýyna jol bermeý jónindegi vedomsvtoaralyq komissiianyń Telegram kanalyna silteme jasap.
Argentina biligi jappai is-sharalarǵa barý úshin sanitariialyq ruqsatnama engizedi. Covid-19-ǵa qarsy tolyq vaktsinatsiiadan ókendigi týraly rastaý 1 qańtardan bastap 13 jastan asqan barlyq adamdardan talap etiledi.
Tailand revaktsinatsiia merzimin 6 aidan 3 aiǵa deiin qysqartady. «Omikronnyń» jańa shtamymen kúreste immýnitetti arttyrý úshin tiisti sheshim qabyldandy.
Ulybritaniiada «omikron» shtamyn juqtyrǵan alǵashqy naýqas qaitys boldy. Ulybritaniia Premer-ministri «omikron» shtamynan týyndaǵan aýrý jeńil túrde júredi degen ideiany «birjola qoiýǵa» jáne koronavirýstyń jańa nusqasynyń taralý jyldamdyǵyna nazar aýdarýǵa shaqyrdy.
Djons Hopkins ýniversitetiniń statistikasyna sáikes pandemiia bastalǵannan beri AQSh-ta covid-19 rastalǵan jaǵdailardyń sany 50 millionnan asty, aýrý saldarynan 797 916 naýqas qaitys boldy. Infektsiialardyń eń kóp sany Kaliforniiada - 5 169 348, Tehas shtatynda – 4 394 772 tirkeldi. Floridada 3,75 millionnan astam covid-19 juqtyrý deregi rastaldy, Niý-Iork shtatynda - 2,85 millionnan astam, Illinois shtatynda - 1,9 millionnan astam jaǵdai anyqtalǵan.
Kipr respýblikasy balalarǵa 5 jastan bastap vaktsinatsiia júrgizedi. 16 jeltoqsanda 5-11 jastaǵy balalardy koronavirýsqa qarsy immýndaý naýqany bastalady. «Vaktsinatsiia barlyq provintsiialardaǵy Densaýlyq saqtaý ministrliginiń ana men balany qorǵaý ortalyqtarynda júrgiziledi», - dedi Densaýlyq saqtaý ministri Mihalis Hadzipandelas. Sonymen qatar ministr 15 jeltoqsannan bastap «omikron» shtamy nemese SARS-CoV-2 basqa da jańa mýtatsiiasy anyqtalǵan adamdardy mindetti túrde oqshaýlaý engizilgenin málimdedi. Sondai-aq, sanitariialyq talaptar saqtalmaǵan jaǵdaida jeke kompaniialar uiymdastyrǵan Rojdestvolyq is-sharalar toqtatylady.
