Álemde koronavirýs juqtyrǵandar sany 16 millionnan asty, dep habarlaidy "Ult aqparat".
Djons Hopkins ýniversitetiniń interaktivti kartasyna sensek, 26 shilde tańdaǵy málimet boiynsha álemde 16 mln 046 myń adam qaýipti indetke shaldyqqan. Onyń 9,9 millionnan astamy jazylyp ketken. 644 myń adam qaitys bolǵan.
Álemde COVID-19 juqtyrý oqiǵalarynyń sany boiynsha kósh bastap turǵan - AQSh. Munda 4 178 021 oqiǵa tirkelgen. Ekinshi orynda Braziliia tur (2 394 513 adam).
Jańa virýsty 1 385 630 adam juqtyrǵan Úndistan - úshinshi orynda. Búginde Resei elinde COVID-19 virýsyna shaldyǵýdyń 805 332 oqiǵasy tirkeldi (tórtinshi oryn).
Koronavirýs infektsiiasyn juqtyrý oqiǵalarynyń sany jaǵynan elder «ondyǵyna» sondai-aq Ońtústik Afrika (434 200 oqiǵa), Meksika (385 036 oqiǵa), Perý (375 961 oqiǵa), Chili (343 592 oqiǵa), Ulybritaniia (300 270 oqiǵa) jáne Iran (288 839 oqiǵa) kirip otyr.
Álemde koronavirýstan barlyǵy 644 528 adam qaitys boldy, sonyń ishinde 146 460 ólim oqiǵasy AQSh-ta tirkelgen. Braziliiada qaýipti dertten 86 449 naýqas kóz jumǵan. Ulybritaniia men Meksikada sáikesinshe 45 823 jáne 42 645 adam qaza bolǵan.
Sondai-aq, ólim oqiǵalarynyń sany on myń adamnan asqan memleketter tiziminde Italiia, Frantsiia, Úndistan, Ispaniia, Perý, Iran jáne ózge elder bar.
