VKontakte jelisindegi «Qazaqstandyq boks» toby Rio-Olimpiadasynyń 91 kelige deiingi salmaqta ótken Levit-Tishenko jekpe-jegi týraly tanymal boks mamandary, kommentatorlar men jankúierlerdiń pikirin jinap aldy. Biz sonyń barlyǵyn aýdaryp bergendi jón kórdik, dep habarlaidy Baq.kz tilshisi.
Serhio Martines (@maravillabox): "Men 91 keli salmaqtaǵy finalda Qazaqstannyń jigiti jeńdi dep oilaimyn".
Lý DiBella (@loudibella): "Menińshe, AIBA - mafiia. Masqara! Endi, ol Rio-2016-ǵa da jetti".
Den Rafael, ESPN sholýshysy, kommentator, BWAA 2013 jyl boiynsha boks salasyndaǵy eń úzdik jýrnalist (@danrafaelespn): "Olimpiadada kórgen tóreshiliktiń basym bóligi jaqsy boldy. Biraq osy jolǵy sheshim nashar. Óte nashar boldy".
BBC Sport BBC Sport : "Kórermender ysqyryp, Tishenkonyń jeńisin moiyndaǵan joq".
VVS Ben Dirs (@bendirs1) sholýshysy: "Búgin betperde kigen úsh adam bireýdi tonasa, onda politsiiaǵa zvondap, olardy birden boks arenasyna jiberińiz".
The Associated Press Greg Beacham sholýshysy: "Tribýnalarda otyrǵandardyń barlyǵy Levitke qoldaý bildirip jatyr. Ol da jaýap retinde qol shapalaqtap qoiady. Tishenko shyqqanda, bári ysqyra bastady. Biraq Levit saýsaǵyn ernine tigizip, bárin tynyshtalýdy surap tur. Bul – aiqyn basymdyq".
Shane McGuigan (@McGuigans), Bapker, Ulybritaniia: "Olimpiialyq boks jemqorlyqqa belshesinen batyp ketti. Boksshylar jarysqa 4 jyl daiyndalady. Alaida 9 minýttyń ishinde olardy tonap tastaidy".
Andy Clarke, sport sholýshysy (@AndrewClarke19): "Osymen ekinshi ret Tishenkoǵa altyn medaldy syilap otyr. Álem chempionatynda Savon ony jeńip jatqan. Endi, Levit Olimpiadada basym túsip otyr. Sumdyq! ".
Asian Boxing (@asianboxing): "Ókinishti, AIBA-nyń keibir tóreshileri zeinetkerlikke shyqsa eken".
Graham Houston, britandyq boks reportery:(@fightwriterone): "Bilesiz be? Bul sheshim bárin qurtty. Ol durys emesten de nashar. Qate, qate, qate. Men olardyń solai isteitinin bilgenmin. Ol týraly talai ret aitqanmyn. Tishenkonyń ózi jeńisine tańǵaldy".
Frode Fanebust (@Bustefaen): "Ne degen masqara! Álemdegi eń nashar sýdialar! Bunyń bári – Olimpiadanyń finalynda! Masqara".
Stephen Lavelle (@Slavelle90), Shotlandiianyń aýyr salmaqtaǵy chempiony: «AIBA, báriniń jeksuryn ómir ótkizýlerińe teliktespin".
Tom Craze, sholýshy badlefthook: "Meniń lentamda otyrǵan árbir adam Levit jeńdi dep sheshti. ÁRbir adam".
Jake Donovan (@JakeNDaBox): " @NBCSN sońǵy úshi jekpe-jekti qaitalap kórsetip jatyr. Tishenko men Levittiń dál qazir kórip jatyrmyz. #Rio2016-daǵy qylmysty taǵy bir kórseńiz bolady".
Tommy McCarthy, Irlandiia boksshysy (@Tommymac90): "Levit ony sabap júrdi ǵoi. Bul sheshim naǵyz jabaiylyq!".
Mike Broderick (@MikeBroderickVO): "Men boksty 40 jyl kórip kelemin. Osy ýaqytqa deiin bul eń nashar sheshim boldy".
NextBigMOB (@NextBigPod): "Jekpe-jek óte jaqsy ótti. Biraq ádettegidei sýdialar bárin qurtty. Boks basynan bastap báshpaiyna deiin jemqorlyqqa batyp ketken. Masqara!»
@SimonBoxinghead: "AIBA, sizder – naǵyz qylmyskersińder!".
