QR Densaýlyq saqtaý ministri Aleksei Tsoi Pfizer vaktsinasynyń aqyly ainalymǵa qashan shyǵatynyn aitty, dep habarlaidy QazAqparat agenttigi.
«Mańyzdy sheshim qabyldandy. Úkimet Pfizer vaktsinasyn kommertsiialyq segmentke jiberýdi qoldady. Qazir sonyń tetikteri pysyqtalyp jatyr. Qazaqstan óńirleriniń bárinde atalǵan vaktsinany kommertsiialyq segmentke shyǵarý múmkindigin qamtamasyz etemiz dep josparlap otyrmyz. Qazirdiń ózinde jasóspirimder, júkti jáne bala emizetin áielder siiaqty tegin vaktsina alatyn sanattardy qospaǵanda halyqaralyq saparǵa jii shyǵatyndar úshin mundai vaktsinany alý múmkindigi bolady», - dedi Aleksei Tsoi Úkimet otyrysynan keiin jýrnalisterge jaýap beret otyryp.
Sondai-aq, ol Pfizer vaktsinasyn qashannan bastap aqyly negizde alý múmkin bolatynyn aitty.
«Baǵasy áli anyqtalady. Bul kommertsiialyq segment. Básekelestik orta bar degendei. Biz osy jyldyń sońyna deiin bul vaktsina aqyly ainalymǵa túsýi kerek dep josparlap otyrmyz. Jyl sońyna deiin biz óńirlerge aqyly vaktsinany jetkizýdiń tetigin anyqtaimyz. Ekpeni sýyq ortada ustaý tizbeginiń talaptaryn saqtaý óte mańyzdy. Bálkim qazir vaktsinatsiiamen ainalysatyn obektilerde saqtaityn shyǵarmyz. Tońazytqysh jabdyqtary men ózge de talaptar saqtalǵan ǵoi», - dep túsindirdi Aleksei Tsoi.
Ministrdiń málimeti boiynsha, Pfizer vaktsinasynyń kommertsiialyq ainalymǵa shyǵarylatyn partiiasyn jetkizý máselesi qazirdiń ózinde pysyqtalyp jatyr.
«Eń bastysy, jetkizýdiń barlyq tetikteri, quqyqtyq máseleler pysyqtaldy. Bul turǵyda óte aýqymdy jumys isteldi. Qazir biz tapsyrys kólemin qosymsha kelisimdermen keńeite alamyz. Bastysy, vaktsinany satyp alý men jetkizý tetigi pysyqtalyp boldy. Pfizer vaktsinasynyń alǵashqy partiiasy kelgenin bilesizder. Endigi partiialary apta saiyn kelip otyrady», - dedi vedomstvo basshysy.
