QR Densaýlyq saqtaý ministri úkimet otyrysynda halyqty koronaviýrsqa qarsy ekpe alýǵa shaqyrdy, dep habarlaidy QazAqparat.
«Taldaýlar KVI-di aýyr ótkerip jatqan naýqastardyń negizgi úlesi - vaktsina almaǵan halyqqa tiesili ekenin kórsetti.
1 aqpannan beri vaktsina almaǵan naýqastardyń KVI-men aýyrǵandar arasyndaǵy úlesi shamamen 95% bolyp otyr. Al vaktsina alǵan azamattar 5% ǵana.
Ókpeni jasandy jeldetý apparatyna jalǵanǵan naýqastardyń úlesi de osyǵan uqsas – 96% - ǵa jýyǵy vaktsina almaǵan», - degen ministr ýaqyt bul virýspen kúreste vaktsinadan basqa tiimdi tásil joq ekenin kórsetkenin atady.
«Bul málimetter vaktsinatsiianyń tiimdiligin aiqyn kórsetip tur. Osyǵan bailanysty taǵy da halyqqa júginip, osy ýaqytqa deiin vaktsina almaǵan azamattardy durys sheshim qabyldaýǵa shaqyramyn. Bul bárimizge óz densaýlyǵymyzdy emes, jaqyndarymyz ben áriptesterimizdiń densaýlyǵyn da saqtaýǵa múmkindik beredi», - dedi vedomstvo basshysy.
