QR Densaýlyq saqtaý ministri Aleksei Tsoi densaýlyq saqtaý salasyndaǵy «Qoǵamdyq baqylaý» belsendilerimen yntymaqtastyq máselesin talqylady, dep habarlaidy "Ult aqparat".
Volonterlik qozǵalys belsendilerimen, dárigerlermen, úkimettik emes uiymdar ókilderimen onlain kezdesý barysynda monitoring tobynyń jumysyn uiymdastyrý, olarǵa quqyqtyq mártebe berý máseleleri talqylandy.
Almaty qalalyq qoǵamdyq baqylaý belsendisi Saida Táýekelova dárihanalarda dárilik zattardyń bar-joǵyn tekserý, gýmanitarlyq júkterdiń dittegen jerine jetýin qadaǵalaý jáne meditsinalyq uiymdarǵa barý kezinde quqyqtyq sipattaǵy problemalar týyndaityndyǵyn jáne ony retteý qajettigin atap ótti.
«Árbir monitoring toptyń naqty qyzmetin jazyp, volenterlerge kýálik, jadynama jáne aiyrym belgilerin berý qajet. Aqparattardy óńdeýdi jolǵa qoiyp, olardy sheshim qabyldaý úshin tiisti satyǵa berý kerek», - dedi ol.
«Qoǵamdyq baqylaýdyń» respýblikalyq úilestirýshisi Lim Diastyń pikirinshe, bul jumysty júieli negizde jolǵa qoiý qajet. Bul rette dárigerdiń jumysyna kedergi keltirilmeýi, óziniń, patsientteriniń densaýlyǵyna qaýip tóndirmegen durys. Depýtat Irina Smirnova qoǵamdyq top azamattardyń densaýlyǵyn qorǵaý isine baǵa jetpes úles qosty dep sanaidy.
Barlyq taraptyń pikirin tyńdaǵan ministr «0oǵamdyq baqylaý» múshelerinen kelip túsken aqparattarmen naqty jumystyń mańyzdylyǵyn atap ótti.
«Bizdiń barlyǵymyz koronavirýs infektsiiasymen kúreske jumylýymyz qajet. Bizdiń maqsatymyz - densaýlyq saqtaý júiesin durys jolǵa qoiý. Jer-jerde salaqtyq bolmaýy tiis. Sonymen qatar dárigerler qoldaý men qamqorlyqty sezinýi kerek. Al patsientterge qatysty eger quqyqqa qaishy jaǵdai bolsa nemese kómek kórsetý standarttary sai bolmasa, onda sebebin anyqtaǵan jón. Dárigerler men patsientterdiń abyroiyna nuqsan kelmeýi tiis», - dedi Densaýlyq saqtaý ministri.
Aleksei Tsoidyń aitýynsha, qaýipsizdiktiń barlyq sharalary men sanitarlyq normalardy eriktilerdiń qatań saqtaýy óte mańyzdy.
