Aýyr atletikadan Qazaqstan quramasynyń bas bapkeri Aleksei Ni qyzmetinen ketpeidi. Ol 2020 jyly Tokioda ótetin Olimpiada oiyndaryna quramany daiyndamaq. Bul týraly ataqty jattyqtyrýshy"Habar" arnasyna bergen suhbatynda málimdedi.
"Tokiodaǵy Oiyndarǵa nelikten barǵym keledi? Sebebi London Olimpiadasynda alǵan júldelerimizdi qaitaryp almaqshy bolyp jatyr. Men sol medaldardyń esesin Tokioda qaitarǵym keledi. Bizde Ilin bar, Chinshanlo bar, Rahimov bar - úsheýi, olardan basqa óner kórsetip júrgen qai-qaisysy da barýǵa laiyqty", - dedi bas bapker.
Aita keteiik, Aleksei Ni osymen altynshy Olimpiadaǵa sportshylar aparyp otyr. Riodaǵy Oiyndardan keiin ol bapkerlik qyzmetti toqtatpaq bolǵan, alaida ol raiynan qaitypty. Qazir onyń shákirtteri demalyp jatyr, al qyrkúiek aiynda sportshylardyń qaita qalpyna kelýi úshin Sochi qalasynda jinalý josparlanǵan. Aýyratletter jattyǵý jumystaryn qańtarda bastaidy. Aleksei Ni qazirdiń ózinde bolashaq quramaǵa kimdi qosatynyn oilanyp jatyr.
