Jańa koronavirýs infektsiiasyna qarsy vaktsinalanǵan, biraq COVID-19-ben aýyrǵan azamattarda postkovid sindromynyń áseri minimaldy túrde bolady. Mundai málimdemeni Reseidiń N. F. Gamaleia atyndaǵy ortalyq direktory Aleksandr Gintsbýrg jasady, dep habarlaidy TASS agenttigi.
«Vaktsinatsiia jaǵdaiynda aýrýdyń búkil protsesi jutqynshaq arqyly júredi, al qozdyrǵysh ókpege túskende nemese búkil denege taralǵan kezde postkovidtik sindrom paida bolady», - dedi Gintsbýrg.
Gintsbýrg buǵan deiin «Spýtnik V» vaktsinasynyń eki komponentimen vaktsinalanǵandardyń arasynda koronavirýs infektsiiasy jaǵdailary sirek kezdesetinin habarlaǵan. Negizinen, olar ekinshi vaktsinatsiiadan keiin úsh apta ishinde, immýnitet áli tolyq damymaǵan kezde bekitiledi.
N.I.Pirogov atyndaǵy Resei ulttyq zertteý meditsinalyq ýniversitetiniń aýrýhanalyq terapiia kafedrasynyń meńgerýshisi, Resei respiratorlyq qoǵamynyń basqarma tóraǵasy, Resei Ǵylym akademiiasynyń akademigi Aleksandr Chýchalinniń aitýynsha, COVID-19-dan keiin kóptegen adamda postkovidten keiingi miokardit, ókpede, uiqy bezinde, baýyrda úlken ózgerister jáne basqa da birqatar problemalar anyqtalǵan.
