«Qazgidromet» RMK Qazaqstanda 28-30 mamyr kúnderi qalyptasatyn aýa raiy boljamyn aitty, dep habarlaidy "Ult aqparat".
«Arhangelsk aýdanynan (Resei – red.) antitsiklon respýblikanyń basym bóligine óz yqpalyn tigizýde. Sol sebepti jaýyn-shashynsyz aýa raiy saqtalady jáne ystyqtyń basylýy baiqalady. Degenmen, keiinnen atmosferalyq frontaldy bólikterdiń ótýine bailanysty, naizaǵai, ótkinshi jańbyr jáne burshaq kútiledi. Al elimiz ońtústiginde Irannan keletin jyly aýa massalaryna bailanysty kún raiy ystyq jáne qurǵaq bolady. Ońtústikte jáne batysta kei jerlerde shańdy daýyl turyp, jel kúsheiýi múmkin», - delingen aqparatta.
