© Photo : Press-slýjba Federatsii tiajeloi atletiki Kazahstana
Albert Linderdiń óliminen keiin tirkelgen "Óz-ózine qol salýǵa jetkizý" baby boiynsha tirkelgen qylmystyq is jabyldy, dep habarlaidy Sputnik Qazaqstan.
Politsiia basqarmasynyń habarlamasynda is qylmystyq quramnyń joqtyǵy sebepti Qylmystyq protsessýaldyq kodekstiń 2-baby 2-tarmaǵy boiynsha jabylǵany aitylǵan.
"Istiń jabylǵany týraly habarlamany men 19 qarashada aldym. Olar eki ai ozyp, sońynda qaǵaz jiberip qutyldy. Men tergeýshige qońyraý shalyp, jala jabý týraly qujattardyń nege qaralmaǵynyn suradym. Ol bul másele kelisilip jatqanyn aitqan", - deidi sportshynyń anasy Natalia Linder.
Anasynyń aitýynsha, Olimpiadanyń qola júldegerleri Karina Goricheva men Igor Son, 2013 jylǵy álem chempionatynyń qola júldegeri Zelimhan Abýbakarov ta tergeýge qatysty. Sonymen qatar quramanyń bas bapkeri Sergei Sedovtan jaýap alyndy.
"Betpe-bet jaýap alý kezinde bapkerden doping-baqylaýdy qai zerthana júrgizgeni týraly suraldy. Onyń Alberttiń doping nátijesi "las" ekenin qaidan bilgeni týraly jaýap alyndy. Al bapker bolsa baqylaý beiresmi jasalǵanyn jáne qai zerthana jasaǵany esinde joq ekenin aitty", - deidi anasy.
Búgingi kúni Albert Linderdiń anasy "Jala jabý" baby boiynsha aryz jazdy. Óitkeni qyrkúiek aiynda KTK arnasyna bergen suhbatta Sedov Alberttiń problemasy Riodaǵy Olimpiada aldynda doping nátijesi kezinde bastalǵanyn aitqan.
"Sedov Albertiń óliminen keiin BAQ-qa suhbat berdi. Sol kezde ulymnyń tórt doping nátijesi "taza" bolǵanyn, besinshisi "las" bolyp shyqqanyn aitty. Sol jerde ol dopingtik kompaniianyń qalai kelip synama alatyny týraly da sóz qozǵaǵan. Sodan keiin biz Alberttiń 29 doping baqylaýdan ótkenin, onyń bári taza ekenin bildik. Men bul fakt boiynsha politsiiaǵa aryzdanyp, qujattardy usyndym", - deidi Natalia Linder.
Ulttyq antidopingtik ortalyqtyń qujatynda Albert Linderdiń 29 doping-baqylaýdan ótkeni, olardyń bári "taza" ekeni týraly jazylǵan.
Albert Linderdiń ólimi
Albert Linder 17 qyrkúiek kúni kóz jumdy. Ol nebári 25 jasta bolatyn. Sportshy óz-ózine qol saldy. Linder jasóspirimder arasyndaǵy álem chempiony jáne Aziia chempiony bolǵan. Ýniversiadada jeńimpaz atanyp qana qoimai, rekordqa da qol jetkizdi.
Almaty oblystyq politsiia departamenti aýyr atlet Albert Linderdiń ólimine qatysty qylmystyq is qozǵady. Aýyr atletika federatsiiasy tergeýge qoldaý kórsetýge nietti ekenin jetkizdi.
Qazaqstandyq aýyr atletter Linderdiń óliminen keiin óz medalderin qoqysqa laqtyra bastady.
"Albert Linderdiń qazasynan keiin bir nárseni túsindim – qan men terdiń arqasynda tapqan myna medalderdiń endi maǵan keregi joq. Halqym úshin emes, kei adamdardyń paidasy úshin kóp jyl mańdai terimdi tógip eńbektenip, jattyǵyp, jarystarǵa qatysqanymdy bile tura, bul medalderdi qaldyra almaimyn", - dedi aýyr atlet Mihail Makeev.
Alberttiń inisi Semen Linder quramynyń aǵa bapkeri Sergei Sedov tárbielenýshilerine qol jumsaǵanyn aitty. 2016 jylǵy Olimpiada oiyndarynyń qola júldegeri Karina Gorichevanyń aitýynsha, ol Sedovtan áli kúnge deiin qorqady.
Osyǵan bailanysty aýyr atletika federatsiiasynyń erler ulttyq quramasynyń aǵa jattyqtyrýshysy Sergei Sedov qyzmetinen shettetildi.
