Foto: Kazaknews.kz
Birneshe alaiaqtyq jasady degen kúdikti Túrkiiadan Qazaqstanǵa ekstraditsiialandy, - dep habarlaidy Bas prokýratýra.
Habarlamada birneshe ret asa iri mólsherde alaiaqtyq jasaǵan Qazaqstan azamaty Antaliadan jetkizilgeni jazylǵan.
Tergeý derekterine sáikes, 2019–2020 jyldary kúdikti aldaý jolymen Shymkenttiń 4 turǵynynyń aqshalai qarajaty men jer ýchaskelerin iemdenip, olarǵa jiyntyǵynda shamamen 95 million teńge kóleminde zalal keltirgen. Jábirlenýshilerdiń aqshalai qarajatyn iemdengennen keiin, kúdikti boi tasalap, qashyp ketken. Osyǵan bailanysty oǵan halyqaralyq izdeý jariialanǵan.
"Keiinnen ol Túrkiia aýmaǵynda ustalyp, Bas prokýratýranyń suraý salýy negizinde Otanyna ekstraditsiialandy. Qazirgi ýaqytta ol tergeý izoliatoryna qamaldy", - delingen habarlamada.
Aiyp taǵylǵan qylmystar úshin qylmystyq zańnamada múlki tárkilenip, 7 jyldan 12 jylǵa deiin bas bostandyǵynan aiyrý jazasy kózdelgen.
