Foto: videodan alynǵan skrin
Uiymdasqan qylmystyq toptyń quramynda seriialyq alaiaqtyq jasaǵan kúdikti Reseiden ekstraditsiialandy. Bul týraly Bas prokýratýra habarlady.
Bas prokýratýra birneshe ret alaiaqtyq jasaǵan Qazaqstan azamatyn qylmystyq jaýaptylyqqa tartý úshin Resei Federatsiiasynan ekstraditsiialandy.
Kúdikti 2023–2024 jyldary uiymdasqan qylmystyq top quramynda aqparattyq júie paidalanýshylaryn aldaý jáne olardyń senimin teris paidalaný arqyly iri mólsherde alaiaqtyq jasaýǵa birneshe ret járdemdesken.
Atap aitqanda, kúdikti men onyń sybailastary Instagram áleýmettik jelisin paidalanyp, azamattardyń senimine kirip, salynǵan investitsiia somasynan birneshe ese kóp tabys alýǵa ýáde berip, óz kompaniialary arqyly aqsha qarajatyn investitsiialaýǵa úgittegen.
Aqsha qarajattaryn alǵannan keiin, olardy qylmystyq top qatysýshylarynyń arasynda bólip, óz qajettilikterine jumsaǵan.
— Alaiaqtardyń qylmystyq áreketteri saldarynan Qazaqstannyń ártúrli óńirlerindegi 75 azamatqa jalpy somasy shamamen 80 mln teńge kóleminde zalal keltirilgen.
Qylmys jasalǵannan keiin 4 sybailas ártúrli merzimge bas bostandyǵynan aiyrý jazasyna kesilgen, al sońǵysy qylmystyq qýdalaý organdarynan boi talasap, osyǵan bailanysty halyqaralyq izdeýge jariialanǵan, — delingen habarlamada.
2025 jylǵy naýryzda ol Resei Federatsiiasynyń aýmaǵynda ustalyp, Qazaqstan Respýblikasynyń Bas prokýratýrasynyń suraý salýy boiynsha elge ekstraditsiialandy.
Qazirgi ýaqytta ol tergeý izoliatoryna qamaldy.
Oǵan taǵylǵan qylmystardy jasaǵany úshin 5 jyldan 10 jylǵa deiin bas bostandyǵynan aiyrý jáne múlkin tárkileý túrindegi jaza kózdelgen.
