Reseidiń Irkýtsk qalasynda qoǵamdyq kólik jolaýshysynyń aqshasyn urlady degen kúdikpen er adam ustaldy. Bul týraly Irkýtsk oblysy boiynsha IIM Bas basqarmasy habarlady, dep habarlaidy Ult.kz.
Lenin okrýginiń turǵynyna «arnaiy qyzmettiń qyzmetkeri» habarlasyp, aqshasyn «qaýipsiz shotqa» aýdarýǵa kóndirgen. Áiel alaiaqqa 6 mln rýbl berip úlgergen, al taǵy 3 mln rýbldi jaqyn mańdaǵy bankomat arqyly aýdarý úshin alyp bara jatqan.
Adam lyq toly avtobýsta belgisiz bireý áieldiń sómkesinen barlyq aqshasyn urlap ketken. Kúdikti retinde buryn birneshe ret sottalǵan 42 jastaǵy Irkýtsk turǵyny anyqtaldy. Onyń páterin tintý barysynda politsiia urlanǵan qarajattyń bir bóligin — 1 mln rýblden sál asatyn somany tapty. Qalǵan aqshany er adam jumsap úlgergen.
Tabylǵan qarajat jábirlenýshige qaitaryldy. Alaiaqtar men qalta urysynyń áreketterinen kelgen jalpy qarjylyq shyǵyn shamamen 8 mln rýblge jetken. Urlyq jáne alaiaqtyq baptary boiynsha qylmystyq ister qozǵaldy.
