2021 jyldyń 15 maýsymynan bastap «Almaty - Dostyq» baǵytyndaǵy jańa jolaýshylar poiyzy iske qosyldy. Poiyz aptasyna 2 ret júredi, dep habarlaidy "Ult aqparat" QR Indýstriia jáne infraqurylymdyq damý ministrliginiń Telegram kanalyna silteme jasap.
Sonymen qatar, 2021 jyldyń 18 maýsymynan bastap «Almaty-Dostyq» baǵyty boiynsha aptasyna 3 ret taǵy bir jolaýshylar poiyzyn shyǵarý josparlanyp otyr.
Sondai-aq, Nur-sultan qalasynan qoldanystaǵy jolaýshylar poiyzdarynyń shemasy keminde 2 vagonǵa ulǵaitylatyn bolady (№258/257 Nur-Sultan-Dostyq, №54/53 Nur-Sultan-Dostyq).
Jolaýshylar aǵyny artqan saiyn tirkemeli vagondardyń sany mezgil-mezgilimen kóbeietin bolady.
Búgin Alakól kóli baǵyty boiynsha kelesi marshrýttar uiymdastyryldy:
Nur-Sultannan:
- № 54/53 «Nur-Sultan NJ-Dostyq» (jyl boiy), «Jolaýshylar tasymaly» AQ tasymaldaýshysy (dúisenbi, juma);
- №258/257 «Nur-Sultan-1-Dostyq» (20.06.21 j. bastap), «Jolaýshylar tasymaly» AQ tasymaldaýshy (beisenbi, jeksenbi);
- «Nur-Sultan-1-Dostyq» №122/6942/6941/121 (jyl boiy) poiyzdaryndaǵy tikelei vagondar, «AraiTransKZ» JShS tasymaldaýshysy (jup kúnderi).
Almatydan:
- №453/454 «Almaty-2-Dostyq» (jazǵy 18.06.21 j. bastap) tasymaldaýshy «Turan Ekspress «ÓK» JShS (dúisenbi, sársenbi, juma);
- №21/6942/6941/22 Almaty-1-Dostyq (jazǵy) poiyzdaryndaǵy tikelei qatynaityn vagondar, tasymaldaýshy «Jolaýshylar tasymaly» AQ (jup kúnderi).
Aita ketý kerek, Alakól kýrorttyq aimaǵyna bilet satý boiynsha jaǵdai turaqty baqylaýda. Temirjol biletterin satýdyń elektrondyq júiesi jetildirilgen. Biletterdi satyp alý protsesi ashyq, biletterdi satýmen bailanysty zańsyz áreketter jasaý múmkin emes.
Jol júrý qujattaryn satýdy ashý kezinde týroperatorlar biletterdi jalpy negizderde satyp alady, al jolaýshylar tobyna jol júrý qujattaryn satýdy uiymdastyrý jeke jáne zańdy tulǵalardyń jazbasha ótinimi boiynsha oryndar bolǵan kezde poezd jóneltilgenge deiin keminde 45 táýlikten 6 táýlikke deiin júrgiziledi.
