Foto: ortcom.kz
SCAT áýe kompaniiasy 2025 jyldyń 1 maýsymynan bastap Alakólge jetýdi jeńildetetin reisti iske qosady. Anyǵyraq aitqanda, bul kólge jaqyn ornalasqan Úsharal qalasyna qatynaityn jańa sýbsidiialanǵan reister. Reister Astana men Almatydan aptasyna 7 ret oryndalatyn bolady. Bir baǵytqa bilet quny – 20 myń teńge. Áýe kompaniiasynyń baspasóz qyzmetiniń málimetinshe, ushýlar ishki týrizmdi damytýǵa jáne kóliktiń qoljetimdiligin arttyrýǵa baǵyttalǵan áýe saiahatyn sýbsidiialaý baǵdarlamasy aiasynda memlekettik qoldaýmen oryndalady. Osy oraida Ult.kz tilshisi biyl Alakóldegi demalys qarjysy qanshaǵa shyǵatynyn eseptep kórdi.
Alakólde qai aida barǵan durys?
Árine, aldymen Alakólge qai aida barǵan durys degen suraq týyndaidy. Aýa men sýdyń eń joǵary temperatýrasy shilde-tamyz ailarynda bolatyny belgili. Eger adam demalysty balamen josparlasa nemese demalýshynyń júreginde aqaýlar bolsa, maýsymnyń basynan bastap jáne tamyz aiynyń ortasynan keiingi kún belsendiligi shilde aiyna qaraǵanda birshama tómen bolatyn kezeńdi qarastyrǵan durys.
Jalpy Alakólde barqyt maýsymy tamyz aiynda bastalady. Árine, naqty kúnder naqty jylǵa jáne aýa-raiyna bailanysty ózgerýi múmkin. Alakólge týrlar tek joǵary maýsymda tamyz aiynda ǵana emes, jaz mezigilinń basynan-aq suranysqa ie bolady.
Týrister kóbine demalý úshin Shyǵys Qazaqstan oblysynyń jaǵynda ornalasqan jaǵalaýdy tańdaidy. Bul jaǵalalý tegis janartaýlyq maltatastarǵa toly, al sý qoimasyna túsý tegis. Degenmen Alakóldiń qai jaǵasyna barsańyz da, sýy shipaly, demalys oryndary yńǵaily deýge bolady.
Alakólde demalý teri jáne ókpe aýrýlaryn emdeýge kómektesedi jáne býyn aýrýyn basady. Kóptegen týrister jazda jaǵajaida demalǵannan keiin kúzde jáne qysta sýyq tiiýden, tumiaaýdan asa zardap shekpeitinin aitady. Sirá, bul hosh iisti dala shópteri men tuzǵa qanyqqan teńiz aýasyna bailanysty.
Alakóldegi TOP 10 eń jaqsy demalys oryndary
Marsell otbasylyq demalys ortalyǵynyń baǵasy maýsym aiynda 18 500 teńgeden bastalyp, 30 000 teńgege deiin barady. Bul baǵaǵa kúnine 3 mezgil tamaq kiredi. Shilde-tamyz ailarynda baǵanyń ósetinin de eskerýimiz kerek.
Oazis Alakól demalys ortalyǵynyń 2025 jylǵa baǵalary 1 kúnge, bir adamǵa, kúnine 3 mezgil tamaqpen 10 000 teńgeden bastalyp 21 000 teńgege deiin barady. Árine, jaz mezgiliniń úsh aiyna qarai baǵa shamaly ózgerip turady.
Rivera qonaq úi kesheninedegi baǵa 16 000 teńgeden bastalyp, 24 500 teńgege deiin bolady. Bul baǵa ishine tańǵy as kirmeidi. Al úsh mezgil tamaǵyn qosatyn bolsańyz, eresekterge - 11 000 teńge, balalalarǵa - 8 000 teńge.
Al Almas Brilliant demalys ortalyǵynyń búkil aýmaǵy qorshalǵan jáne kúzetilgen. Jasyl kógal, plitkaly úiler arasyndaǵy joldar, hosh iisti gúlder, balalarǵa arnalǵan alańqai. Mundaǵy baǵa 26 500 teńgeden bastap 90 000 teńgege deiin barady. Jáne munda da baǵa jaz ailaryna qarai ózgerip otyrady.
«Aquamarin Resort» demalys úii – bul ár qonaqtyń tańdaýyna ár túrli jailylyqtaǵy bir bólmeli, eki bólmeli jáne úsh bólmeli nómirleri bar 128 kottedjden turatyn otbasylyq qonaq úi kesheni. Jeke terrasasy bar barlyq bólmeler ekologiialyq taza tabiǵi materialdardan jasalǵan jáne ashyq tústermen bezendirilgen. Mundaǵy baǵa 24 500 teńgeden bastalyp, 100 000 teńgege deiin barady.
«Atlantis» otbasylyq demalys ortalyǵy 26 000 teńdegen 72 000 teńgege deiin barady. Bul demaolym ornynda da baǵa raz mezgiliniń ár akyna qarai ózgerip otyratynyn eskerýimiz kerek.
Comfort relaksatsiia aimaǵynyń ár kúni 50 000 teńgeden 250 000 teńgege deiin bolsa «Alakol Family Club» demalys ortalyǵynyń baǵasy 16 000 teńgeden bastalyp, 40 000 teńgege deiin bolady. Sonymen qatar, bul atalǵan demalys oryndarynyń da baǵasy jaz mezgiliniń ailaryna qarai ózgerip otyrady.
Sonymen qatar jeke úi, jeke kottedj jaldaityn bolsańyz, olardyń baǵasy 120 myń teńgeden 1 million teńgege deiin barady eken. Qaltańyz kóteretine qarai, ártúrli jaǵdaidaǵy jeke úilerdi jaldaýyńyzǵa bolady.
Alakóldi tańdaýdyń sebepteri
Alakól – Qazaqstannyń ońtústik-shyǵysynda ornalasqan ashy tuzdy kól. Kóldiń aýdany, araldardy qosa alǵanda, shamamen 2700 sharshy shaqyrymdy alyp jatyr.
Sý immýndyq júieni keremet túrde nyǵaitady. Bir kezderi ǵaryshkerler ońaltý úshin emdelýge shyǵys jaqqa kelgen degen aqparat ta bar.
Alakóldiń sýy men qara balshyǵy aýyrsynýdy jeńildetýge, immýndyq júieni nyǵaitýǵa jáne depressiia belgilerin joiýǵa kómektesedi. Balshyq kózderine barý teriniń kúii úshin úlken mańyzǵa ie: sazdyń komponentteri epidermisti tazartady jáne sergitedi, ony paidaly mikroelementtermen jáne mineraldarmen qanyqtyrady.
Aqbota Musabekqyzy
