Shyǵys Qazaqstan oblysyndaǵy Alakólge nemese Buqtyrmaǵa týrister PTR anyqtamasymen nemese Ashyq jobasy arqyly barady, dep habarlaidy "Ult aqparat".
ShQO Bas sanitar dárigeriniń qaýlysyna sáikes, týristik-rekreatsiialyq aimaqtarda 1 maýsymnan bastap kúsheitilgen sanitarlyq-dezinfektsiialyq rejimdi, termometriiany, maska rejimin jáne áleýmettik qashyqty saqtai otyryp, adamdardy ornalastyrý jáne demalý oryndarynyń jazǵy týristik maýsymǵa daiyndalýyna ruqsat etildi.
«Buqtyrma sý qoimasyndaǵy, Alakóldegi jáne «Rahman qainarlary» sanatoriiindegi demalys bazalary Ashyq jobasymen jumys isteidi. «Jasyl» jáne «kók» mártebesi bar týrister demalys oryndaryna bara alady. Al «sary» jáne «qyzyl» mártebesi barlarǵa oblystyń týristik aimaqtaryna barýǵa tyiym salynǵan», - delingen qujatta.
Sondai-aq turǵyndar atalǵan jobasyz da demalys bazalaryna bara alady. Ol úshin berilgenine 72 saǵattan aspaǵan teris nátijesi bar PTR anyqtama nemese COVID-19 infektsiiasyna qarsy vaktsina alǵandyǵyn rastaityn pasport qajet.
