Alakólge qatynaityn poiyz baǵyttary men bilet baǵasy belgilendi, dep habarlaidy QazAqparat.
«Búginde Alakólge birneshe óńirden poiyzdar qatynaidy. Sonyń biri «Nur-Sultan-Dostyq» baǵyty, al 20 maýsymnan bastap atalǵan baǵyt boiynsha taǵy bir qosymsha poiyz qatynai bastaidy. Al Almatydan 18 maýsymnan bastap «Almaty-Dostyq» poiyzy júre bastaidy. Tasymaldaýshy «Vagon Service Almaty», sonymen qatar Almaty 2-Dostyq» baǵyty boiynsha da poiyz jelisin iske qosý josparlanyp otyr, - dedi «Jolaýshylar tasylmaly» AQ bas direktorynyń orynbasary Viktor Boshmann.
Odan bólek, Alakólge ShQO-dan «Semei-Dostyq», «Óskemen-Dostyq» jáne «Aqtoǵai-Dostyq» poiyzdarynyń júretindigi aityldy.
«Jalpy Dostyqqa 1 ulttyq jáne 3 jeke tasymal kompaniiasynyń poiyzdary qatynaidy. Qazirgi ýaqytta barlyq baǵyttar boiynsha aldaǵy 45 kúnge 76 myń poiyz bileti satylymǵa shyqty. Al aldaǵy 45 kúnge 45 myń bilet satyldy. Poiyz biletteri kún saiyn tańǵy saǵat 7-den aldyn ala 45 kúnge satyla bastaýda. Erkin satylymda 30 myńdai bilet qaldy. Qalǵan biletterdiń barlyǵy Alakólge nemese kerisinshe baǵyttaǵy poiyzdarǵa tiesili», - deidi ol.
Onyń aitýynsha, Alakólge Almaty qalasynan poiyz biletiniń tapshylyǵy baiqalady. Kúnine 264-ten 728 biletke deiin satylady.
