Almaty oblysynyń ákimi Amandyq Batalov Alakóldegi týrister demalysy qalai uiymdastyrylatynyn aityp berdi, dep habarlaidy "Ult aqparat".
«Ózderińiz bilesizder, ótken jyly da biz PTR anyqtamasyn talap etpeý týraly batyl sheshim men jaýapkershilikti moiynǵa alǵan edik. Men arnaiy qyzyǵýshylyq tanytyp, surastyryp kórdim. Árdaiym maqtanyshpen aitamyn: qazaqtar osy aýa men sýdy «qasietti» deidi. Onda demalǵan birde-bir adam aýyrmaǵan. Ony qujat túrinde de dáleldei alamyn», - dedi A. Batalov QR Prezidenti janyndaǵy Ortalyq kommýnikatsiialar qyzmetinde ótken baspasóz máslihatynda.
Biyl Alakóldegi demalys «Ashyq» jobasy aiasynda uiymdastyrylady.
«Ashyq» baǵdarlamasy óte jaqsy jumys isteidi. PTR anyqtamasyn talap etýdiń ne qajeti bar? Bul qosymsha demalys úilerinde, áýejaida, barlyq jerde ornatylady. Ondaǵy atmosferanyń ózi de paidaly. Ózim jumysqa shyqqan kezde ókpemniń 32% zaqymdanǵan edi. Jol máselesi boiynsha Premer-ministrmen kezdesýge aldyn-ala kelip, jarty kún boiy osy aýamen tynystadym, ókpem ashyldy. Jaǵdaiym jaqsaryp qaldy. Sondyqtan bárińiz Alakólge kelińizder», - dedi Amandyq Batalov qazaqstandyqtarǵa.
