«Sary» jáne «qyzyl» statýsy bar jeke tulǵalardyń Alakól kóliniń týristik-rekreatsiialyq aimaǵyna kelýine tyiym salynady.
Bul týraly "Ult aqparat" QR Densaýlyq saqtaý ministrligi Sanitarlyq-epidemiologiialyq baqylaý komitetiniń baspasóz qyzmetine silteme jasap.
Qyzmetkerler men demalýshy týristerdiń qaýipsizdigi men Alakól kóliniń jaǵalaýynda koronavirýs infektsiiasynyń taralýyn barynsha azaitý kásipkerlik sýbektileriniń «erikti» qatysýshylar formatynda «Ashyq» jobasyn engizýi arqyly qamtamasyz etiledi. Munymen qosa, demalys aimaǵynda kúsheitilgen sanitariialyq-dezinfektsiialyq rejim, termometriia, betperde kiiý tártibi jáne áleýmettik qashyqtyq saqtalatyn bolady.
Kásipkerler nemese kelýshilerdi demalys jáne turý oryndarynda ornalastyrýǵa jaýapty tulǵalarǵa, sondai-aq kóldiń týristik-rekreatsiialyq aimaǵynda ornalasqan qyzmet kórsetýshi ózge de obektilerge qonystanatyn demalýshylardyń «jasyl» jáne «kók» statýsyn QR-kod nemese JSN arqyly teksergen kezde ǵana jumys isteýge ruqsat etilgen.
Shetel azamattarynyń statýsyn tekserý úi-jaiǵa kirýdi baqylaityn qyzmetkerdiń «Ashyq» qosymshasyna pasport nómirin engizý arqyly júzege asyrylady.
Kelýshiler berilgen kúninen úsh táýlikten aspaityn, teris nátijesi bar PTR ádisimen júrgizilgen zerthanalyq tekserý týraly qujatty (erip júrýshilerde anyqtama bolǵan kezde 5 jasqa deiingi balalardy qospaǵanda) nemese koronavirýs infektsiiasyna qarsy vaktsinalaýdyń tolyq kýrsyn alǵanyn rastaityn qujatty usynǵan kezde, olar týristik-rekreatsiialyq aimaq obektilerine óz statýsyn teksermei kire alady. Sonymen qatar, eńbekke ýaqytsha jaramsyzdyǵyn rastaityn qujatty usynǵan azamattardyń demalys aimaǵyna statýsyn teksermei kirýine ruqsat beriledi.
«Sary» jáne qyzyl» statýsy bar jeke tulǵalarǵa Alakól kóliniń týristik-rekreatsiialyq aimaǵyna kelýge tyiym salynady.
Shyǵys Qazaqstan oblysynyń Bas memlekettik sanitariialyq dárigeriniń «Shyǵys Qazaqstan oblysynyń Buqtyrma sý qoimasynyń, «Alakól» kóliniń jáne «Rahman qainarlary» sanatoriiiniń týristik-rekreatsiialyq aimaqtarynda COVID-19 koronavirýstyq infektsiia aýrýynyń ákelinýi men taralýynyń aldyn alý jónindegi sharalar týraly» 23 mamyrdaǵy qaýlysyna sáikes, Alakól kóliniń jaǵalaýyna keletin azamattar úshin PTR ádisimen COVID-19-ǵa mindetti zerthanalyq tekserý júrgizý jáne onyń nátijelerin usyný talaby qoiylmaidy.
Aita keteiik, «Ashyq» jobasyna qatysatyn tasymaldaýshylardy qospaǵanda, oblysaralyq jáne qalalyq turaqty emes (týristik) tasymaldar belgili bir shekteýlermen júzege asyrylmaq.
