Almaty ákimdigi ál-Farabide jyldamdyq saǵatyna 60 shaqyrymǵa deiin shekteledi degen aqparatqa túsinik berdi.
«Ál-Farabi dańǵylyndaǵy jyldamdyqty saǵatyna 80-nen 60 km-ǵa túsirý máselesi Almaty qalasynyń ákimdiginde qarastyrylyp jatqan joq», - dep habarlady Almaty qalasy ákiminiń baspasóz qyzmeti.
Buǵan deiin, QR Ishki ister ministri Erlan Turǵymbaev Almaty ákimdiginiń ál-Farabi dańǵylyndaǵy ruqsatty shekti jyldamdyqty qaita tómendetý máselesin qarastyryp jatqanyn aitty.
Aita ketý kerek, Ál-Farabi dańǵylynda, Shyǵys ainalma joly, Sain kóshelerinde 2019 jyldyń 15 qańtarynda jol apaty sanyn azaitý maqsatynda jyldamdyq saǵatyna 80 shaqyrymnan 60 shaqyrymǵa tómendetilgen bolatyn.
Alaida, qoǵam ókilderiniń ótinishine bailanysty ákimdik jyldamdyq rejimin 80 shaqyrymǵa qaita ózgertti.
