Fýtboldan Birikken Arab ámirliginiń «Ál-Ain» komandasy qazaqstandyq Baýyrjan Islamhanǵa kelisimshart merzimin uzartý jóninde usynys bildirdi, dep habarlaidy "Ult aqparat".
Komandanyń bas bapkeri Pedrý Emanýel oiynshylary qatarynda Baýyrjan Islamhandy da saqtap qalýǵa niet bildirdi. Qazir atalǵan ujym aldaǵy oqý-jattyǵý jiyny jónindegi daiyndyǵyn pysyqtap jatyr.
Komanda saitynda jariialanǵan habarlamada bas bapkerdiń Baýyrjan Islamhanǵa usynys bildirý jónindegi pikiri aitylǵan. Eger ol atalǵan klýbtan ketken jaǵdaida ornyna ózge fýtbolshyny tartý máselesi qarastyrylady.
Oqý-jattyǵý jiyny Birikken Arab ámirliginen tysqary jerde ótkiziledi dep josparlanyp otyr. Qazir onda aýa raiy óte ystyq. Munda el chempionaty tamyz aiynda qaita jalǵasady.
