Aqtóbelik turǵyn kóliginiń ishine benzin quiyp, ózin-ózi órtemek boldy, dep habarlaidy "Ult aqparat".
Oqiǵa 18 shilde kúni saǵat 20:23-te tirkeldi. Aqtóbe oblystyq TJD kezekshi-dispetcherlik pýltine politsiia qyzmetkerlerinen habarlama tústi. Aqtóbe qalasynyń turǵyny «Leksýs 350» markaly jeke avtokóliginiń salonyna benzin quiyp, esikterin qulyptap, ózin-ózi órtemek boldy.
«Shaqyrtý ornyna shuǵyl túrde 8 adam jáne 2 tehnika jiberildi. Oqiǵa ornyna kelgen boida órt sóndirýshi-qutqarýshylar, azamattyq qorǵaý kishi serjanttary T.K. Syrymbetov pen A.R. Omarov mashinanyń artqy áinegin syndyryp, al basqa qutqarýshylar kóbik shashty. Osylaisha jedel ári tiianaqty áreket etý nátijesinde 1983 jyly týǵan turǵyn qutqaryldy», - dep habarlady oblystyq TJD baspasóz qyzmeti.
