Aqtóbe boks mektebiniń túlegi Kamran Shahsyvarly olimpiada litsenziiasyn iemdenenip, Braziliia jerine attanyp ketti. Biraq Rio-2016 oiyndarynda ol Qazaqstannyń emes, tarihi otany Ázirbaijan eliniń namysyn qorǵaidy. Bul týraly Aktobenews.kz jazdy.
Jeke bapkeri Bolat Arynǵazievtyń aitýynsha, Kamranǵa Aqtóbe jerinde esh jaǵdai jasalmapty. Sol sebepti jattyqtyrýshy oǵan Ázerbaijan namysyn qorǵaýǵa keńes bergen.
Kamran Shahsyvarly Ázirbaijan eliniń ulttyq birinshiligin jeńip alyp, birneshe halyqaralyq jarystarda top jarǵan. Al olimpiadalyq joldamany litsenziialyq týrnirde jeńip alǵan.
Esterińizge salaiyq, taǵy bir aqtóbelik boksshy Berik Ábdirahmanov Olimpiada oiyndarynda Mańǵystaý oblysynyń atynan syńǵa túsedi. Al Aqtóbe jeriniń namysyn bul jarysta tývalyq Artas Sana men dúngen jigit Farhat Harkiler qorǵaidy.
