Foto: facebook.com/aktobeakparat
Aqtóbe oblysynyń ákimi Ashat Shaharov oblystyq ákimdik ǵimaratynda bolǵan órtke bailanysty málimdeme jasap, jaǵdaidyń turaqty ekenin aitstty, dep habarlaidy Ult.kz.
Ákimniń aitýynsha, órt tolyq sóndirilgen, zardap shekkender joq. Qazirgi ýaqytta arnaiy komissiia oqiǵanyń sebepterin anyqtap jatyr.
«Jaǵdai tolyq baqylaýda. Eń bastysy eshkim zardap shekken joq. Barlyq qyzmetter jumysyn jalǵastyryp jatyr, – dedi óńir basshysy.
Ashat Shaharovtyń málimetinshe:
Ǵimarattyń tek shatyry janǵan, al altynshy qabattaǵy kabinetterdiń zaqymy aitarlyqtai emes;
Nysannyń tehnikalyq jaǵdaiyn baǵalaý úshin sarapshylar tartylǵan;
Memlekettik qyzmetter ýaqytsha onlain formatta kórsetilip jatyr;
Órttiń sebepteri boiynsha qylmystyq is qozǵalyp, tergeý júrgizilýde;
Qalpyna keltirý jumystarynyń jospary ázirlenip jatyr.
Ákim bul másele óziniń jeke baqylaýynda ekenin atap ótti.
Eske salaiyq, 7 sáýir kúni Aqtóbedegi oblystyq ákimdik ǵimaratynyń shatyry órtengen bolatyn. Keiin óńirde jedel shtab otyrysy ótkizilip, qyzmetkerlerdiń ýaqytsha qashyqtan jumys isteýi qarastyrylǵan.
