Foto: ashyq derekkóz
Aqtóbe qalasynda júkti áiel mingen jedel járdem kóligi jol apatyna túsip, aýdarylyp qaldy, dep habarlaidy Ult.kz.
Oqiǵa Sáńkibai batyr dańǵylynda bolǵan. Aqtóbe oblystyq Politsiia departamenti málimetinshe, jedel meditsinalyq kómek kóligi men Toyota avtokóligi soqtyǵysqan. Soqtyǵysý saldarynan jedel járdem kóligi qyryna aýdarylǵan.
Kólik ishinde 34 jastaǵy júkti áiel bolǵan. Aqtóbe oblystyq densaýlyq saqtaý basqarmasy onyń júktiliktiń 37-aptasynda bolǵanyn habarlady. Jol apatynan keiin áiel bosaný bólimine shuǵyl jetkizilgen, sebebi tolǵaǵy bastalǵan.
Dárigerlerdiń aitýynsha, áiel aman-esen bosanyp, deni saý qyz dúniege kelgen. Mamandar teksergennen keiin ananyń jaǵdaiy turaqty dep baǵalanǵan. Ana men balanyń jaǵdaiy qazir dárigerlerdiń baqylaýynda.
Basqarma málimetinshe, jedel járdem brigadasynyń qyzmetkerleri de tekserýden ótken, olardyń jaǵdaiy turaqty.
Politsiia júrgizýshilerdi jol qozǵalysy erejelerin saqtaýǵa jáne sirenasy qosýly jedel járdem kólikterine mindetti túrde jol berýge shaqyrdy.
