Aqtóbede jol-kólik apaty kezinde aman qalǵan eki mektep direktory ortalyqqa jetkizilip, bireýine ota jasaldy, dep habarlaidy "Ult aqparat".
Buǵan deiin habarlaǵanymyzdai, Oiyl-Qobda jolynda kólik aýdarylyp, eki mektep direktory kóz jumdy. Olar №20 mektep direktory Baǵdat Úrimbaeva jáne №33 mektep direktory Almira Oraqova. Al ekeýi Oiyl aýdandyq aýrýhanasyna jetkizildi.
«Sanaviatsiiamen oblys ortalyǵyna jetkizilgen bir naýqasqa ota jasaldy. Onyń jaǵdaiy ortasha aýyr. Qazir politravma bólimshesinde emin jalǵastyryp jatyr. Keshe taǵy bir naýqas Jedel járdem aýrýhanasyna sanaviatsiiamen jetkizildi. Ol jansaqtaý bóliminde, al jaǵdaiy turaqty aýyr», - dedi oblystyq densaýlyq saqtaý basqarmasy basshysynyń orynbasary Bekbolat Izbasarov.
