Aqtóbede ainalma jolda jol apaty boldy. Jaiaý júrginshini kólik qaǵyp, ol oqiǵa ornynda kóz jumdy, dep habarlaidy "Ult aqparat".
«Hyundai H1» avtokóliginiń 46 jastaǵy júrgizýshisi Sút zaýyty aýdanyndaǵy ainalma jolymen júrgen 63 jastaǵy jaiaý júrginshini qaǵyp ketti. Jol-kólik oqiǵasy saldarynan jaiaý júrginshi kóz jumdy. Qylmystyq kodekstiń «Kólik quraldaryn basqaratyn adamdardyń abaisyzda adam ólimine ákep soqqan jol qozǵalysy erejelerin buzýy» baby boiynsha sotqa deiingi tergeý bastaldy.
«Jaiaý júrginshiniń de, júrgizýshiniń de mádenieti tómen. Júrgizýshi jyldamdyqty asyryp, qarsy baǵytqa shyqsa, keibiri uialy telefon arqyly sóilesedi. Al júrginshi joldy tyiym salynǵan jerde kesip ótedi jáne ótý kezinde qaýipsizdik erejesin saqtamaidy. Jol-kólik oqiǵasyna jol bermeý jáne jaqyndary men týystarynyń ómiri men densaýlyǵyn saqtaý maqsatynda, Aqtóbe oblysynyń Politsiia departamenti árbir jol qozǵalysyna qatysýshylarǵa jolda muqiiat bolýdy jáne jol júrý erejelerin múltiksiz saqtaýǵa úndeidi», - dedi oblystyq PD baspasóz qyzmetiniń jetekshisi Erbolat Sarqulov.
