Foto: azh.kz
Aqtóbe oblysynyń Shalqar qalasynda jastar arasynda bolǵan jappai tóbeles qaiǵyly jaǵdaimen aiaqtalyp, 17 jastaǵy jasóspirim kóz jumdy, dep habarlaidy Ult.kz.
Oqiǵa túngi ýaqytta bolǵan. Quqyq qorǵaý organdary janjalǵa qatysy bar barlyq kúdiktilerdi anyqtap, politsiia bólimine jetkizdi. Qazirgi tańda qylmystyq is qozǵalyp, tergeý júrgizilip jatyr.
"Janjalǵa qatysqan barlyq tulǵalar anyqtaldy. Olardyń áreketterine zań aiasynda quqyqtyq baǵa beriledi. Tergeý barysy baqylaýda, kináliler jaýapqa tartylady", dep málimdedi oblystyq politsiia departamentiniń baspasóz qyzmeti.
Densaýlyq saqtaý basqarmasynyń málimetinshe, oqiǵa ornyna jedel járdem shaqyrylmaǵan. Es-tússiz jatqan jasóspirimdi belgisiz adamdar aýrýhanaǵa jetkizgen. Alaida dárigerler tek onyń qaitys bolǵanyn tirkep, bul týraly politsiiaǵa habar bergen.
