Aqtóbede saýda úileri men bazarlar senbi-jeksenbi kúnderi jumys istemeidi. Al meiramhana, qoǵamdyq tamaqtaný oryndary saǵat 9:00-den 20:00-ge deiin ǵana klientterge qyzmet kórsetedi, dep habarlaidy "Ult aqparat".
Oblysta bankter, HQKO, «Qazpochta» AQ bólimsheleriniń jumys ýaqyty 9:00-den 18:00-ge deiin bolady. Meiramhana, dámhana jáne kofehana sekildi qoǵamdyq tamaqtaný obektileri de 9:00-den 20:00-ge jumys isteidi. Adam sany 30-dan aspaýy tiis. «ASHYQ» jobasyna qatysatyn nysandar Bas memlekettik sanitariialyq dárigeriniń qaýlysyna sáikes qyzmet kórsetedi.
«Jazǵy alańdardyń 9:00-den 20:00-ge deiin, ashanalardyń 6.00-den 00:00-ge deiin jumys isteýine ruqsat bar. Ashyq bazarlar, jabyq bazarlar, saýna, SPA-ortalyqtar men bassein, jabyq sport obektileri (sport keshenderi, sport mektepteri, sport klýbtary, jattyǵý zaldary), sporttyq-saýyqtyrý ortalyqtary jáne fitnes klýby, sonyń ishinde ioga ortalyqtary, saýda-oiyn-saýyq ortalyqtary, saýda úileri, saýda jelileri senbi-jeksenbi kúnderi jabylady», - dedi oblystyq sanitariialyq-epidemiologiialyq baqylaý departamentiniń baspasóz qyzmeti.
