Aqtóbe oblystyq politsiia departamenti repressiia qurbandarynyń urpaqtaryna qujat kóshirmesin berip jatyr. Biyl 76 ótinish pen suraý túsip, onyń bárine oń jaýap berildi, dep habarlaidy "Ult aqparat".
Aqtóbe oblystyq politsiia departamentiniń muraǵatynda qýǵyn-súrginge ushyraǵan adamdarǵa, Germaniiadan oralǵan jáne áskeri tutqyndarǵa, burynǵy KSRO azamattaryna arnalǵan qujattar saqtalýy tur. Muraǵatta 13 myńnan astam qujat bar. Olar: aqtalýǵa jatpaityn tulǵalardyń muraǵattyq qylmystyq isteri – 617, qýǵyn - súrginge ushyraǵan, sot organdarymen aqtalǵan azamattarǵa qatysty muraǵattyq qylmystyq ister - 9936 jáne burynǵy áskeri tutqyndar men Germaniiadan oralǵan burynǵy KSRO azamattarynyń materialdary – 2520 is.
«Biyl Aqtóbe oblystyq PD arnaiy memlekettik muraǵatyna qýǵyn-súrginge ushyraǵan adamdardyń týystarynan 76 ótinish pen suraý tústi. Onyń bárine jaýap berildi. 7 muraǵattyq anyqtama jáne 150 muraǵattyq qujattyń kóshirmesi usynyldy. Onyń ishinde, jaqyn jáne alys shetelderden jeke jáne zańdy tulǵalardan 7 ótinish tústi. Aqtalǵan azamattardyń nemese olardyń ókilderiniń, olar qaitys bolǵan jaǵdaida týystarynyń qylmystyq is qujattarymen tanysýǵa, sondai – aq osy isterde saqtalǵan qoljazbalardy, fotosýretterdi jáne basqa da jeke qujattardy nemese olardyń kóshirmelerin alýǵa quqyǵy bar ekenin habarlaimyz», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, 28 jastaǵy Roman Zavadovskii aldymen «Memorial» saitynda izdeýdi bastaǵan. Biyl 23-qańtarda Aqtóbe oblysynyń politsiia departamentine kelip, muraǵat qujattaryn, atasynyń fotosýretterin aldy. Muraǵatta Ivan Zavadovskiidiń 20 fotosýreti bar. Olardyń sapasy shóberesin tańqaldyrdy. KSRO Joǵarǵy Keńesiniń Jarlyǵymen Zavadovskii Ivan Vladimirovich 1989 jyly, qaitys bolǵannan keiin aqtalǵan.
