Aqtóbede kópqabatty jataqhana órtenip, 43 jastaǵy er adam aýrýhanada kóz jumdy, dep habarlaidy "Ult aqparat".
Aqtóbede jataqhana órtenip, páter iesin kúiik shaldy. Oblystyq politsiia departamentiniń habarlaýynsha, 43 jastaǵy er adamnyń denesiniń 80 % kúiip qalǵan.
«Kúiik shalǵan páter iesi jedel járdem aýrýhanasynyń jansaqtaý bólimine jatqyzyldy. Ol esin jimastan qaza boldy. Páter iesi jalǵyz turǵan. Qazirgi kezde órttiń shyǵý sebebi anyqtalyp jatyr. Sonymen birge sot-meditsinalyq jáne órt-tehnikalyq saraptamalary taǵaiyndaldy. Tergeý bastaldy», - dedi oblystyq politsiia departamenti baspasóz qyzmetiniń jetekshisi Erbolat Sarqulov.
