Aqtóbe mys kompaniiasynda jumysshyny kólik qaǵyp, qaza boldy, dep habarlaidy "Ult aqparat".
«Aqtóbe mys kompaniiasy» JShS №2 baiytý fabrikasynyń kontsentrat qoimasynda ónimdi óndirýge daiyndaý jáne tieý jumysy kezinde jazataiym oqiǵa boldy.
«Copper Technology» jaýapkershiligi shekteýli seriktestiginiń júk tiegish mashinasynyń júrgizýshisin aiyrly júk kótergish quraly qaǵyp ketti.
Jumysshy oqiǵa ornynda qaza boldy.
«Óńir basshysynyń tapsyrmasymen jaǵdaidy tekserip, qaiǵyly oqiǵanyń sebebin anyqtaý úshin oblys ákiminiń orynbasary Ermek Kenjehanulynyń tóraǵalyǵymen arnaiy komissiia quryldy. Tekseristiń nátijesi týraly qosymsha habarlanatyn bolady», - dep habarlady óńirlik kommýnikatsiia qyzmeti.
