Aqtóbe oblysy, Hromtaý aýdanyndaǵy Or ózenine mektep oqýshysy batyp ketti, dep habarlaidy "Ult aqparat".
Hromtaý aýdany, Bógetsai aýyly mańyndaǵy Or ózenine 13 jastaǵy bala sýǵa batyp ketti. Habarlama ata-anasynan túsken. Oqiǵa ornyna jedel-tergeý toby bardy.
«Oqýshy sýǵa shomylyp júrip batyp ketken. Denesin jergilikti turǵyndar sýdan alyp shyqqan. Bala sý qoimasynda ata-anasymen birge bolǵan. Sý aidyndaǵy balalar ómiriniń qaýipsizdigi kóp jaǵdaida ata-anaǵa bailanysty. Tabiǵi jáne jasandy sý aidyndarynda demalǵanda balaǵa sýdaǵy qaýipsizdik erejesin muqiiat túsindirý kerek» - dedi Aqtóbe oblysy PD bastyǵy Atyǵai Arystanov.
Jyl basynan beri Aqtóbe oblysynyń sý qoimalarynda 4 bala sýǵa batyp ketti.
