Aqtóbe «qyzyl» aimaqqa kirdi. Óńirde karantin shekteýi kúsheitildi, dep habarlaidy "Ult aqparat".
Endi qyzmet kórsetý oryndarynda jumys isteitin qyzmetkerler vaktsina saldyrýy tiis nemese apta saiyn PTR synamadan ótýi qajet.
«Halyqqa qyzmet kórsetý ortalyqtary, «Qazposhta» AQ bólimsheleri, ekinshi deńgeidegi bankter, qarjy naryǵynyń obektileri, saqtandyrý kompaniialary, jyljymaityn múlik jónindegi agenttikter, aiyrbastaý pýnktteri, lombardtar, sulýlyq salondary, halyq tutynatyn ónimderdiń jáne taýarlardyń kóterme jáne bólshek saýdasy obektileriniń, onyń ishinde bazar, saýda úii, saýda jelileri, saýda-oiyn-saýyq ortalyqtarynyń, dúken, shaǵyn market, sýpermarket, gipermarket, mádeniet jáne demalys obektileriniń, bilim berý jáne tárbieleý uiymdarynyń, onyń ishinde bilim berý damytý jáne túzetý ortalyqtarynyń jumysshylary vaktsina saldyrýy nemese PTR testileýden ótýi tiis. 15 shildege deiingi merzimde (turaqty meditsinalyq qarsy kórsetilimderi bar jáne sońǵy 3 ai ishinde COVID-19-ben aýyryp jazylǵan adamdardy qospaǵanda) vaktsinanyń birinshi komponentimen, 15 tamyzǵa deiingi merzimde COVID-19-ǵa qarsy vaktsinanyń ekinshi komponentimen egý uiymdastyrylsyn. Banket zaldarynyń (meiramhanalar jáne dámhana tipi boiynsha kelýshilerge qyzmet kórsetý) qyzmetine tyiym salynady. Tek «ASHYQ» jobasyna qatysatyndarǵa ruqsat», - dep jazylǵan Aqtóbe oblysynyń Bas memlekettik sanitariialyq dárigeri Nursulý Berkimbaevanyń qaýlysynda.
