Foto: Siýjet kadrlarynan skrin
Aqtóbede qýattaǵysh qurylǵy (paýerbank) jarylyp, bir otbasynyń úii órtenip ketti. Otbasy qurylǵyny sol kúni qýattaýǵa qoiyp qoiǵan, dep habarlaidy Ult.kz Almaty arnasyna silteme jasap
Qazir Timýr Mairýmbaevtyń úiinen tek kúigen qabyrǵalar ǵana qalǵan. Munda esikter synǵan, ishin tútin basyp, órttiń iisi qalǵan. Oqiǵa ótken senbide 28 aqpan kúni bolǵan. Timýr sol jerde eki uly men ákesimen turǵan.
"Syrttan "pah" degen jarylysty estidim. Qarasam, ulymnyń bólmesinde nemerelerimiz qýattaǵysh qurylǵyny eletr togyna qosyp qoiǵan eken. Sodan órt shyqty. Jarylys, tútin bastaldy. Birden shkaf janyp ketti. Dem alý múmkin bolmady. Eshteńe kórinbedi. Qudai saqtasyn, mundai órt bolmasyn. Jalpy, muny qosýǵa múlde tyiym salý kerek, ásirese balalarǵa", – dedi Timýrdyń ákesi Qurman Mairýmbaev.
Keiin órt sóndirýshiler birneshe minýtta jetken. Biraq úidi qutqarý múmkin bolmaǵan.
"28 aqpanda Aqtóbe qalasyndaǵy "Arman" turǵyn úi kesheninde bir qabatty jeke turǵyn úidiń shatyrynda órt shyqty. Órt saǵat 20:02-de lokalizatsiialanyp, 20:23-de tolyq sóndirildi. Qaza bolǵandar men zardap shekkender joq", – dep habarlady Aqtóbe oblysy TJD baspasóz qyzmeti.
Endi kóshede túkiretinder men qoqys tastaityndarǵa Almaty politseileriniń drondary eskertý jasaidy
Shýchinsk dámhanasyndaǵy jarylys: Qaza tapqandardyń sany 9-ǵa jetti
Qutqarylǵan tek qujattar ǵana boldy. Oqiǵa bolǵan soń otbasy týysyna qonys aýdarǵan. Qazir jańa úi izdeýde. Er adam óz qolymen 6 jyl boiy turǵyzǵan úidi endi nólden qalpyna keltirýi qajet.
"Men ózim qurylysshymyn. Qazir maǵan tek qurylys materialdary qajet. Aýa raiy jylynsa, qalai qalpyna keltirý keregin oilanamyn. Múmkin qabyrǵalardy súzip, qaita turǵyzýǵa týra keledi. Men osy úidi ózim turǵyzdym, eshkim kómektespegen", – dedi Timýr Mairýmbaev.
Biyl osy aptada otbasy úidiń aýmaǵyn qoqystan tazalaýdy bastaidy. Mundai jaǵdailardyń aldyn alý úshin qýattaǵyshty asa saqtyqpen qoldaný kerek. Al aqaýlar paida bolsa ony telefonǵa nemese qýat kózderine qosýǵa qatań tyiym salynǵan.
