Aqtóbede kóliktegi órt kezinde aman qalǵan 7 jasar bala qazir jansaqtaý bóliminde jatyr. Onyń denesin kúiik shalǵan, dep habarlaidy "Ult aqparat".
«2014 jyly týǵan bala qazir Áiteke bi aýdandyq aýrýhanasynda jatyr. Naýqastyń jaǵdaiy aýyr. Tórtinshi dárejeli kúiik shalǵan. Aýdandyq aýrýhana dárigerleri barlyq kómekti kórsetip jatyr. Anesteziolog-reanimatolog, kombýstiolog meditsinalyq aviatsiiamen aýdanǵa ketti. Balanyń jaǵdaiy turaqty bolǵan kezde oblystyq meditsina ortalyǵynyń balalar statsionaryna ákelemiz», - dedi oblystyq densaýlyq saqtaý basqarmasy basshysynyń orynbasary Aigúl Kúshtaeva.
Buǵan deiin habarlaǵanymyzdai, Aqtóbeniń Áiteke bi aýdany, Eńbektý aýylynda kólik órtenip, 3 jasar bala janyp ketti.
Eki bala úidiń aýlasynda turǵan «Vaz 2106» markaly avtokóliginiń salonynda oinaǵan.
Belgisiz sebeptermen avtokólik órtenip, 7 jasar bala shyǵyp úlgerdi.
