Aqtóbede joldy kesip ótpek bolǵan 66 jastaǵy qariia kóz jumdy, dep habarlaidy "Ult aqparat".
Aqtóbe qalasynda «Hyundai Elantra» avtokóliginiń júrgizýshisi 101-atqyshtar brigadasy kóshesi men aǵaiyndy Jubanovtar kóshesiniń qiylysynda jaiaý júrginshini qaǵyp ketti. Rýlde 30 jastaǵy áiel boldy.
«Jol-kólik oqiǵasy saldarynan jaiaý júrginshi Jedel meditsinalyq járdem aýrýhanasynyń jansaqtaý bólimine jatqyzylyp, birneshe saǵattan keiin qaza boldy. Atalǵan derek boiynsha Qylmystyq kodekstiń «Abaisyzda adam ólimine ákep soqqan JQE buzý» baby boiynsha sotqa deiingi tergeý júrgizilip jatyr»,- dedi oblystyq PD baspasóz qyzmetiniń jetekshisi Erbolat Sarqulov.
