Aqtóbe bir aptadan beri «jasyl» aimaqta tur. Búgin oblystyń bas sanitar dárigeri jańa Qaýly shyǵardy, dep habarlaidy "Ult aqparat".
Aqtóbe oblysynda adamdar kóp jinalatyn konferentsiia, forým, sherý, jiyn, oiyn-saýyq, merekelik, sondai-aq otbasylyq, saltanatty, estelik jáne basqa da is-sharalardy ótkizýge bolmaidy. Degenmen «ASHYQ» jobasy kóp kásipkerdiń jumysyn jeńildetti.
«Biliard, kompiýterlik, boýling klýbtary jumysyn bastai alady. Tek ondaǵy adam sany syiymdylyqtyń 30% aspaýy tiis. Sonymen birge balalardyń oiyn-saýyq ortalyqtarynda adam sany 50-den aspaidy. Banket zaldarynda da adam sany 50-den kóp bolmaýy tiis. Dini obektiler, onyń ishinde meshit, pravoslavie shirkeýi jáne basqa da dini obektiler aýmaǵynda ujymdyq dini is-sharalar ashyq aýada ótkizilýi tiis. Betperde rejimi men bir adamǵa keminde 4 metr esebinen áleýmettik qashyqtyq saqtalǵany durys»,- dedi oblystyq sanitariialyq-epidemiologiialyq baqylaý departamentiniń baspasóz qyzmeti.
Mádeniet, sport obektilerinde oqý-jattyǵý, daiyndyq júrgizýge ruqsat bar. Kórermen jinaýǵa da múmkindik berildi.
«Balalardyń túzetý kabinetteri, balalar men eresekterdiń bilim berý ortalyqtary, jabyq bazarlar, bankter, HQKO, «Qazposhta» AQ bólimsheleri, saýna, SPA-ortalyq, basseinderge esh shekteý joq. Balalardy saýyqtyrý uiymdary (mektep janyndaǵy, qala syrtyndaǵy lagerler), ashanalar táýlik boiy jumys isteidi. Al meiramhana, dámhana jáne kofehana sekildi qoǵamdyq tamaqtaný obektileri saǵat 07:00-den 02:00-ge deiin qyzmet kórsetedi»,- dep atap ótilgen Qaýlyda.
