Aqtóbede «Garant 24 Lombard», «Vygodnyi zaim», «Estate Lombard» JShS basshylaryna, qyzmetkerlerine qatysty sot otyrysy bastaldy, dep habarlaidy "Ult aqparat".
«Garant 24 Lombard» JShS, «Vygodnyi zaim» JShS, «Estate Lombard» JShS jáne «Nur-Ali Kapital» JShS basshylaryna qatysty isti sotqa deiingi tergep-tekserý aiaqtalyp, kóktemde jábirlenýshiler ispen tanysty. Tergeý aiaqtalǵanǵa deiin 17 myńnan astam jábirlenýshi ótinish jazdy. Olarǵa 30 milliard teńgeden astam soma zalal kelgen. 33 kúdiktige qatysty kúzetpen ustaý túrindegi bultartpaý sharasy qoldanyldy. 6 kúdiktige kúzetpen ustaý túrindegi bultartpaý sharasymen birge halyqaralyq izdeý jariialandy.
Aita keteiik, sot otyrysy 168/3 túzetý mekemesiniń ishinde ótip jatyr. Ol jerge teleoperatorlar men fototilshilerdi ǵana kirgizdi. Al jýrnalister protsesti Aqtóbe oblystyq qylmystyq ister jónindegi mamandandyrylǵan aýdanaralyq sotynda onlain baqylaýda.
Búgin túske deiin aiyptalýshylar tanystyryldy. Olardyń deni otbasyly, bala-shaǵaly. Aiyptalýshylardyń jeteýi – áiel. Olardyń arasynda Nur-Sultan, Shymkent qalalary, Shyǵys Qazaqstan oblysy jáne Aqtóbe oblysynyń týmalary bar.
