Foto: videodan alynǵan skrin
Aqtóbe oblysynda brakonerlerdi qolǵa túsirdi. Baiǵanin aýdanynda júrgizilgen reid kezinde zańsyz ańshylyq faktisi anyqtaldy: avtokólikten 14 kiiktiń ushasy tabyldy, dep habarlaidy Ult.kz.
Politsiia kólikti teksergende mototsikl jáne janýar ushalarynyń qosa saqtalǵanyn anyqtady. Kólikte otyrǵan Atyraý oblysynyń úsh turǵynynan 12 kalibrli ańshy myltyǵy, ratsiia, dúrbi jáne pyshaqtar tárkilendi.
Aqtóbe oblystyq PD baspasóz qyzmetiniń habarlaýynsha, atalǵan oqiǵa boiynsha Qylmystyq kodekstiń «Sirek kezdesetin jáne joiylyp ketý qaýpi bar, sondai-aq paidalanýǵa tyiym salynǵan janýar túrlerimen zańsyz ainalysý» babymen sotqa deiingi tergeý bastaldy. Qajetti tergeý áreketteri júrgizilip jatyr.
Aita keteiik, jaqynda Batys Qazaqstan oblysynyń Tasqala aýdandyq sotynda jergilikti turǵyn kiik múiizin zańsyz saqtaǵany úshin bir jylǵa bas bostandyǵynan shekteý jazasyn aldy.
