Aqtóbede «Mal urlyǵy» jedel aldyn-alý sharasy ótti. Aktsiia aiasynda eki mal urlyǵy deregi tirkeldi, dep habarlaidy "Ult aqparat".
Mal urlyǵyn boldyrmaý jáne eskertý maqsatynda Aqtóbe oblysy Áiteke bi, Qobda, Oiyl, Shalqar aýdandarynyń aýmaǵynda «Mal urlyǵy» jedel aldyn-alý sharasy ótti.
Sebebi bul aýdandarda mal urlyǵy jii tirkeledi.
Jedel aldyn alý sharasy kezinde politsiia qyzmetkerleri mal urlyǵynyń 2 faktisin anyqtady.
«Bir apta ishinde mal jáne et ónimderin tasymaldaǵan 14 avtokólik, mal jáne et ónimderin satatyn 6 oryn tekserildi. Sonymen qatar, sharýa qojalyqtary tekserildi. Onda tiisti qujatsyz mal men et ónimderin tasymaldaýdyń 3 deregi anyqtaldy. Atalǵan derek boiynsha QR ÁQBtK-niń «Qazaqstan Respýblikasynyń veterinariia salasyndaǵy zańnamasyn buzý» baby boiynsha ákimshilik hattama toltyrý úshin materialdar veterenarlyq qyzmetke joldandy», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, ýchaskelik politsiia inspektorlar malyn qaraýsyz qaldyrǵandardy da anyqtady.
176 bas mal jergilikti atqarýshy organdar salǵan arnaiy qoraǵa qamaldy.
