Aqtóbede alqapty shegirtkeden qorǵaý jumysy júrgizildi, dep habarlaidy "Ult aqparat" oblys ákiminiń baspasóz qyzmetine silteme jasap.
Óńirde alqap pen aýyl sharýashylyǵy jerlerin himiialyq óńdeý mamyr aiynyń sońynda bastaldy. Aýmaqtyq inspektsiianyń málimetteri boiynsha, 70,39 myń gektar jerdi zalalsyzdandyrý josparlansa, onyń 70,05 myń gektary óńdelgen. Óńdeý eń aldymen, Áiteke bi, Shalqar jáne Yrǵyz aýdandarynda júrgizildi.
Óńir basshysy ýákiletti organdar men oblystyń aýdan basshylaryna shegirtkeniń kóbeiýi múmkin oshaqtaryn anyqtaý jumysyn barynsha kúsheitýdi tapsyrdy.
Sonymen qatar, kezdesý barysynda COVID-19-ǵa qarsy ekpe alý máseleleri de talqylandy. Koronavirýstyń aldyn alý men ekpeniń mańyzdylyǵyn, ásirese oblys aýdandarynda túsindirme jumystaryn kúsheitý tapsyryldy.
